Recent Posts

Breaking News

James, Davis pinapak ang Nuggets

IPINARAMDAM agad ng Los Angeles lakers ang kanilang lakas matapos dominahin ang Denver Nuggets, 126-114, sa Game 1 ng 2019-2020 NBA Western Conference finals Sabado (Manila time) sa Walt Disney World sa Orlando, Florida.

Unang panalo ng Lakers sa Game 1 simula nang mag-umpisa ang NBA ‘buble’ playoffs.

Tiniyak ng LAL na hindi na makakahabol ang Nuggets sa second half, matapos nilang makalamang ng 11 points sa unang dalawang periods, 70-59.

Kumayod si Anthony Davis ng 37 points at 10 rebounds para ilista ang 1-0 bentahe ng Lakers sa kanilang best-of-seven series.

Tulad ng inaasahan, hindi napigilan ng Nuggets sina four-time Most Valuable Player (MVP) James at Davis, maging sina center Dwight Howard, Rajon Rondo, Kentavious Caldwell-Pope, Kyle Kuzma at Markief Morris ay nag-ambag sa opensa at depensa.

Tumikada si James ng 15 puntos, 12 assists at anim na rebounds habang 18 at 13 puntos ang inambag nina Caldwell-Pope at Howard ayon sa pagkakasunod.

namuno sa opensa para sa Denver si Nikola Jokic at jamal Murray na may tig 21 markers.

The post James, Davis pinapak ang Nuggets first appeared on Abante TNT Breaking News.



Source: Abante (https://tnt.abante.com.ph/james-davis-pinapak-ang-nuggets/)

Walang komento