Recent Posts

Breaking News

Pasukan ipasususpinde ni Sen. Gatchalian ‘pag ‘di handa ang DepEd sa Hulyo 15

Irirekomenda ni Senator Sherwin Gatchalian, chairman ng Senate basic education committee na masuspinde ang nakatakdang pagbubukas ng klase sa Agosto 24 sa sandaling hindi nila maabot ang 80% ng pagiging handa sa Hulyo 15.

“If ever, by July 15, makikita natin na talagang kulang pa rin yung trainings, mga gamit, then we will recommend to move school opening after August 24,” ayon kay Gatchalian.

Si Gatchalian ay nagsasagawa ng serye ng hearing para matiyak ang kahandaan ng DepEd sa pag-shift ng edukasyon sa distance learning dahil sa COVID-19 pandemic.

Nabatid na naghahanda ang DepEd para sa blended learning, na kumbinasyon ng online distance learning at in-person delivery ng learning materials sa mga bahay ng mga estudyante sa pagbubukas ng klase sa Agosto 24.

Gayundin, ang paggamit ng radyo at telebisyon sa pagtuturo sa mga estudyante na walang access sa computer o internet.

Gayunman, nadiskubre sa pagdinig ng Senado na mayorya ng public school teacher ay hindi nakapagsanay para sa ICT-based teaching at self-learning modules.

“These are ongoing concerns. ‘Yung assessment date is July 15. Because by July 15, dito rin na ilalabas yung TV and radio programs; and at the same time, magkakaroon din ng dry run ng distance learning,” ani Gatchalian .

Kapag nalaman na hindi pa handa ang mga guro ay ipasususpinde niya ang pagbubukas ng klase sa Agosto 24.

Hinihintay na lamang ng Pangulong Rodrigo Duterte ang mga panukalang hakbang ng Senado bago lagdaan ang batas na magtatakda sa klase sa Agosto 24.

Samantala, sinabi ni Gatchalian na mas mainam na suspindihin ang face-to-face classes dahil maging sa ibang Southeast Asian countries ay ginawa ito.

“I would err on the side of caution. Parents are very emotional when it comes to school opening and that’s why we want to make sure that parents are comfortable also,” dagdag ni Gatchalian.

Kapag nakikita ng mga magulang na tumataas ang kaso dapat ay huwag palabasin ang mga bata.



Source: Abante (http://tnt.abante.com.ph/pasukan-ipasususpinde-ni-sen-gatchalian-pag-di-handa-ang-deped-sa-hulyo-15/)

Walang komento